SUN微博：Sun畸事：壹舊廢鐵

淫賤黎搭地鐵返工，詎料港鐵準時故障，淫賤黎遲足兩個鐘先到將軍澳堆填區。

淫賤黎：港鐵你條垃圾應該搬嚟堆填區！

港鐵：笑甚麼，你也是垃圾！

淫賤黎：所以我咪係將軍澳堆填區返工囉。

港鐵：其實我準時故障、如常甩漏是常識吧？你唔預多兩個鐘出門口未免太天真、太年輕了！

淫賤黎：估唔到竟然有人可以無賴過我……

港鐵：我都係食得爛果多啫。

淫賤黎：你信唔信我叫少膽虫喺「少膽虫手記」唱衰你？

港鐵：意見照收，規矩照舊。我面皮有三十三層厚o架。

淫賤黎：嘩，三十三層咪好鬆化？

港鐵：係呀，同你一樣咁鬆化。

淫賤黎：我無話可說，只有幾句話……

港鐵：請講。

淫賤黎：＆︿＄＃（％＃（＆︿＄＠＊＃＆％（！＊＆

港鐵：好多謝呢位乘客嘅意見，你嘅意見已經放入意見收集箱。

淫賤黎：咦，點解我會喺公司收番自己封投訴信？

港鐵：冇可能，我哋嘅意見收集箱直接通往堆填區，應該得垃圾先會收到份意見喎。

淫賤黎：我咪係垃圾，喺堆填區返工囉！

港鐵：唔好意思，記性唔好，嘻！