政壇:沈祖堯撐善用廚餘減浪費

珍惜食物係美德,但城中人每日拋棄嘅廚餘卻以噸計。中大校長沈祖堯尋日喺主場中文大學出席一個活動時就宣傳善用廚餘、減少浪費食物。佢話自己甚少去飯堂食飯,一般都係請同事幫佢買飯盒就一餐,佢覺得盒飯好大,好多時都食唔晒,建議學校飯堂可以考慮提供細分量嘅選擇。

活動中,都有一啲利用廚房粗菜製作嘅低碳剩食午宴,如沙葛等都可以入饌。講到試食嘅趣事,沈校長透露有次應邀去試食,仲要一日食成七餐,佢被提醒勿食早餐、小心爆肚喇。點知全部試食嘅都係素食,佢每樣食一啖,結果七餐食落,夜晚返到屋企仲要捱肚餓。

第一手消息請下載on.cc東方互動iPhone/iPad/Android/Windows Phone Apps

沈祖堯試食低碳餸菜,呼籲都市人減少浪費。

低碳餸菜有創意,又唔浪費。