政壇：葉建源提動議前先咪書
新一屆立法會就快復會，按照過去做法，議員可就周三嘅大會提出兩項無法律效力嘅動議辯論，僧多粥少下都係由抽籤決勝負。結果首次大會嘅兩項動議由教育界嘅葉建源同工黨抽中，工黨應該會由張國柱提標準工時。葉建源就因為係新丁，驚到時出洋相，所以中籤之後，佢都話要盡快了解議事程序喎！
據聞，葉建源將會要求當局正式撤回德育及國民教育科同課程指引，仲會要求處理事件。不過傾乜嘢都好，佢最緊要係搞懂議事程序先。
至於工黨，雖然係由何秀蘭抽中籤，但佢爽快咁讓咗個機會畀社福界張國柱講標準工時政策，結果工黨喺呢個勞工政策上搶先工聯會一步。