政壇：政商定格：楊立門學唱意法藝術歌
民政事務局常任秘書長楊立門有「官場歌王」之稱，每次唱歌都技驚四座，尋日佢出席一個青少年文化活動時又大顯身手，一曲《把根留住》，水準媲美職業歌手，唔少現場觀眾都聽出耳油。據講，呢首歌嘅作詞人之一童安格當年作呢首歌時，係想借歌表達愛國情懷，所以呢首歌亦變成唔少國民教育活動嘅指定曲目之一，楊立門尋日揀呢首歌唱，唔通想趁機用呢個方法推廣國民教育？
楊立門話依家只會喺啲文化宣傳活動同慈善表演度先唱一、兩首，仲透露，其實佢嘅興趣係唱藝術歌，依家都有學一啲用意大利文同法文唱嘅藝術歌喎，有唱藝術歌嘅根底，唱流行曲又點難到佢呢？
楊立門在一個青年文化活動上高歌《把根留住》。