政壇：政商定格：戴德豐偕囡囡維港賞「花」
今年十一撞正中秋假期，好有意義，廣東各級政協委員聯誼會首席會長戴德豐捐咗五十萬元贊助十一嘅煙花匯演晚會，當晚佢同千金戴凱欣一齊出席，席間仲有「牛仔褲大王」楊釗、前恒生女大班梁高美懿等，戴凱欣同好友陳祉妤齊坐VIP席，煙花璀璨，各人亦笑得好燦爛。
香港醫療專業人士協會創會主席江明熙醫生（Bernard）就與副主席鄭淇德醫生齊到場。Bernard早前義賣千八個月餅，成功籌得近三十萬元，諗住買Panasonic電視機送贈老人家。信興集團副主席蒙德揚知道後，推介對方買價錢較實惠嘅JVC 24吋電視，除咗計個批發價，仲承諾對方每買一部電視，佢送出一部血壓計。Bernard話，一百部電視將於聖誕送出，做到皆大歡喜。
四洲集團太子女戴凱欣（左）與陳祉妤（右）大讚今年煙花有特色。（被訪者提供）