英雄被困生死60秒

【本報訊】救人一命勝造七級浮屠，脫救生衣救回三男女的李姓裝修工人，昨縷述經過時表示，客船被撞後很快下沉，全船乘客經歷生死六十秒，自己與兩子女亦一度被困，他謙稱「好人有好報，救了人，全家人才整整齊齊回家。」「啱啱撞完嗰吓，大家都只係坐喺個位度，唔敢亂郁……約莫一分鐘左右之後架船開始傾側，大家先識驚，即刻搵救生衣……再過多一分鐘，架船已經『打直』，好多人根本都着唔切（救生衣）！」他指遊艇傾斜至垂直的過程，大家只顧拚命往上爬，根本顧不了下面，不清楚有否出現「人踩人」。

「隻腳畀嘢卡住」

他逃出船艙過程亦十分驚險，「我一開始有一隻腳畀嘢卡住，仲要一手抱住一個仔女，好彩最後淨係用另一隻腳已經整番（另一隻腳）出嚟‥‥‥喺我頭頂就有一隻窗，但我根本就無手開！好彩好快有個船員打開（窗），自己爬咗出去，我拿拿聲推個大女出去，再抱住細仔爬出去。」

他逃出船艙後，立即將兩名子女安置在卅米外的一艘救生筏上，又救起一名男團友及兩名奄奄一息的女團友。當他欲返回船艙救妻子時，水警及救謢人員已到達救人。李一度失去妻子音信，幸好最後得悉她被救起送往醫院，一家人總算逃過大難。