SUN微博：打橫嚟講：大學變學店，怎可唔慶？

嶺南大學附屬的社區學院及持續進修學院，除涉嫌濫收學生外，學費又收得貴，但課室卻遲遲未落成，現開學嘞！千九幾學生無處上堂，遂出蠱惑，為掩真相，竟迫令全體學生削減課時，還謊說要拓展學生視野而試行跨學科活動，才將每科上課時間縮短，實則有行騙罪成分，如斯劣行，仲敢話係搞教育嘅！雖然，出事的並非嶺大「本部」，但亦難辭其咎。

家陣，香港教育制度大崩壞，各大專院校已不再避嫌的，趁亂銀，導致廣開自資課程、超額收生、勁搶高昂學費、師資水平低下、教學配套匱乏，咁都未算趴街，還有校方管理不善，甚至有圈地為王的山頭主義，在政府無能、監察如缺的情況下，簡直是無王管的「獨立王國」、「掠水黑店」。

嶺南大學旗下這兩檔小店，只是香港市場上曝光的「一盅兩件」，其他「大茶飯」者，不勝其數，相信，只要記者們用心追查，肯定「鑊鑊新鮮鑊鑊甘」！

嶺南大學呢鑊嘢，背後更顯肉酸，原來此校校長陳玉樹在大半年前，已「重病在身」，無返工好耐，校政大亂，也沒人理。喂！大佬！呢間係大學，唔係茶餐廳呀！係人類靈魂提煉所呀！你唔掂，就唔好霸住廁所唔拉矢啦！咁鬼無責任o架！邊叉個契弟批佢做校長o架？

以前，嶺南大學在前校長陳坤耀主政下，奉行博雅教育，培育出一群優秀的師生，今天，蕩然無存！真o架！

吖！我未申報，小弟乃嶺大畢業生，身為校友，怎不火滾吖？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

就係咁爆：政壇亞洲先生競選

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot