香港中文大學校長沈祖堯喺上禮拜五同校內約六百名教職員慶祝中秋節，雖然聯歡會喺下晝舉行，仲未有月亮，但沈校長都同校內教職員演唱跟月亮有關嘅名曲。前兩年，沈校長分別演唱咗《月亮代表我的心》同《但願人長久》，呢兩首都係中文名曲，今年就一改傳統，同佢班同事一齊唱咗首美國名曲《Moon River》。講開《Moon River》，唱過呢首歌嘅「抒情歌王」Andy Williams日前過身，沈校長揀呢個時候唱呢首歌，莫非係想順便懷念吓呢位歌王？
沈祖堯（右一）同中大教職員合唱《Moon River》。（照片由中大提供）
