早排立法會選舉，政壇中人忙到飛起，身為建仔深水埗區議員，又係該黨中央委員會委員嘅鄭泳舜（Vincent），忙完區議會選舉，再瞓身立法會選舉，終於捱到選舉結束，佢即刻抽時間陪屋企人補數。日前佢同太太去咗南韓首爾旅行，返港後又要忙地區工作喇。
Vincent話，自從囝囝出世之後，同太太就好少二人世界，賒落啲數要趁選舉完結後還債，所以早前特登安排四日嘅首爾旅程，錫番老婆先。至於三個囝囝，Vincent就話放低咗畀父母同外父、外母輪流湊。
鄭泳舜（左）陪太太去韓國首爾旅行過二人世界。（受訪者提供）
