SUN微博：Sun畸事：籌旗買四蚊飯

繼上次撲水失敗之後，貪曾即刻鬼祟返港，仲約晒成班窮富豪出嚟，原來想一齊籌旗買四蚊飯。

貪曾：三不禁令過咗，可以返香港了！

大瘤：返到香港又點，等老廉拉？

神經翰：好笑咩，你咪過澳門添呀！

淫賤黎：咪話人，你都有禁制令啦。

貪曾：唔好講啲衰嘢先，一人一蚊拎出嚟！

大瘤：你要一蚊做咩？我手緊，想慳錢……

神經翰：我知我知！係咪要夾錢買四蚊飯？

淫賤黎：係就預埋我！我呢期真係好唔掂……

貪曾：大瘤，你冇得揀啦，你仲食得起私家飯堂咩？

大瘤：嗚嗚嗚嗚……我真係好掛住私家飯堂啲鮑魚呀……一開鮑，粉嫩肥美，汁白帶甜……

神經翰：仲嘈，有四蚊飯畀你食咪算唔錯！

淫賤黎：係呀，有得食好食啦，遲吓可能要食皇家飯啦。

貪曾：生係皇家人，死係皇家鬼，入冊都係皇家犯！嗚嗚……

大瘤：收起你副黃皮啦白心人！

神經翰：你講起黃皮白心，我就諗起雙黃白蓮蓉，要唔要一齊摷吓月餅回收箱睇吓有咩嘢食？

淫賤黎：果然係神經漢！有啲料到！