政壇：吳文華臨別立會歎碗麵
立法會秘書長吳文華（Pauline）尋日最後一日返工，Pauline話最唔捨得一班共事多年嘅同事，尋日就行勻成個立法會向一眾議員同職員道別，答謝佢哋多年嘅照顧。之後喺五樓咖啡閣食完最鍾意嘅公仔麵餐後，下晝就去咗美利大廈同翻譯組約一百位職員告別。
尋日身穿紫色上衣嘅Pauline顯得好開心，話自己終於可以放假抖抖。由於佢尋晚七點幾已經要搭飛機去北京，會合其他團友後再轉內陸機去西安睇兵馬俑，所以尋日返工時，仲攞埋行李返立法會，佢話咁大個人都未睇過兵馬俑，今次又會盡嘗地道美食，擔心返港後會脹咗幾個碼。
雖然退咗休，但Pauline話新一屆議員宣誓當日，佢一定會坐定定喺公眾席睇吓首日開會嘅情況喎。
吳文華尋日告別立法會，離開呢個陪咗佢二十幾年嘅地方。