SUN微博：少膽虫手記：仆死不離兩兄弟

今日呢，淫賤黎搵埋呀神經翰同我開會，嘩，原來免費報燒量大增，認真爽死！咁《爛果》都唔差，拍得住dbc，就執就執咁樣，睇個款冚扮爛家產，都遲早要賣㗎喇。淫賤黎仲同我講呀，兩份報紙唔夠鹹，鹽花要落重手啲，燒量一定會起死回生咁話喎。收到！

席間，少膽虫忽然感到冷氣勁凍，諗住行去校細啲啦，點知秘書同我打個眼色，叫我擰頭望望。弊傢伙！原來係呀神經翰同淫賤黎勾勾搭搭、眉來眼去，真係當堂嚇到標尿。只見神經翰喺淫賤黎耳邊喁喁細語，只係聽到重複講幾次咩「數碼」咁樣，之後淫賤黎就一錘定音，命令淫媒旗下刊物，通通加個「數碼」係前面，好似話聽落高級啲、有前景啲咁喎！唔知咁多位讀者，又有冇眼睇呢？

開完會，轉個頭落canteen食飯，又見到佢兩個鬼鬼祟祟咁，望住人哋食飯。啱啱想去問候佢兩位嗰陣，點知佢哋一支箭咁衝去人哋食完兜飯度，大啖其二手飯，仲互餵對方添！依家淫賤黎窮到燶，第時會唔會炒晒啲記者，專門抄第一大報嘅新聞同相片呢？唉！真折墮咯！