政壇：政商定格：吳嘉汶賣首飾兼做月老
身兼香港青年聯會賢慧社副秘書長嘅Bee's Diamonds太子女Rendy吳嘉汶，為咗幫爸爸打理盤生意，兩年前毅然放棄「我的志願」，回巢負責市場拓展之餘，仲做埋月下老人添！
Rendy話自幼已經好想做律師，所以當年一邊返公司幫手，周日仲返律師樓繼續工作，直至後來分身不暇至放棄做律師。心思縝密向來係女孩子嘅優點，Rendy就好識得發揮喺工作上，佢賣首飾之餘，仲有更體貼嘅服務，就係教埋男士點樣求婚可以浪漫啲，增加成功機會，結果對方一擊即中，仲返嚟再幫襯佢買結婚首飾。佢話最難得嘅係見證住顧客嘅成長，分享佢哋嘅生活點滴，話相當有意義喎。
吳嘉汶（中）同賢慧社姊妹羅詠詩（右）及蔡思敏（左）齊心搞好會務。（受訪者提供）