SUN微博：打橫嚟講：「被規劃」，冇蠱惑

「新界東北」，除咗水貨客遍地開花外，仲有規劃發展問題一籮籮。先講一個問題，就係明明有名叫古洞呀打鼓嶺呀，偏要用一個無歷史又生硬既「新界東北」。咁係唔係將軍澳唔叫將軍澳，叫「新界東南」、大嶼山唔叫大嶼山，叫「新界西南」呢？

咁都算，嗰啲地方就係上水粉嶺附近，但係我哋幾時有叫過上水做東北？不嬲都叫北區嘛。真正位於新界東北嘅，係沙頭角、吉澳呢啲地方，依家大概要叫新界東北偏東北喇。最緊要係一講「新界東北」規劃，令人好易聯想到邊境，就會想到「被規劃」嘛。

喂，唔好以為我反對呀，我係交出真心，覺得「被規劃」，冇蠱惑o架！你諗吓，香港人幾時有唔係被規劃先，以前嘅新市鎮你有份起？就算係搞咩融合配套、深圳後花園之類，根本都已經喺十二五計劃入面明講暗示，一直有做啦。所以呢，發展局闢謠就真係唔多妥，唔係「割地賣港」嘅講法，咪即係話新界東北唔係九一八時中國東北咁？咁離奇嘅，咁即係仲係唔係一國先？定係香港自成一國呢？

仲有，發展局又反駁「雙非富豪城」呢個指控，應承公屋單位數量佔一半喎，仲想點？雖然話一間大大座嘅別墅都係當一個單位，而土地分配側重富人，就係自古以來，「係咁o架啦」！計我話法，成個香港一早係富豪城，所以批評計劃者，請勿認真，哈哈！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：政壇亞洲先生競選

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot