政壇：政商定格：滙豐萬人迪士尼玩餐飽
中秋佳節，點都要同家人一齊過。聽聞滙豐今年送厚禮畀員工，上星期去咗Disney包場，有近萬員工同家屬一齊參與，差啲逼爆成個主題公園。
聽老友講，如果員工揀咗去Disney，就會得到4張入場券，當日除咗慶中秋，仲提早過「哈囉喂」添！能夠同家人、朋友一齊度過開心嘅時刻，真係特別warm！當日滙豐香港區總裁Anita馮婉眉一身輕裝，喺主題公園裏面滿場飛，仲捉住啲員工一齊影相留念，真係開心到飛起！Anita話除包場請員工去Disney，其實員工仲可以選擇享受一套電影，或者去西九Wine & Dine Festival品吓酒，三選一，各取所需！雖然唔係送cash，但係咁有心思為員工安排Family day，呢份心意真係唔話得！
滙豐總裁馮婉眉（中）同員工一齊喺主題公園影相留念。