SUN微博：就係敢爆：上水－新逃稅天堂

有片有真相，網民勇闖上水偷拍走水貨實況。唔睇唔知，上水已經變成淪陷區，片長四分鐘，但係網民見到嘅香港人竟然唔超過十個。來來往往都係拖箱帶篋嘅內地人，檸茶益力多紙巾乜都有，仲霸埋單車停車場做散貨場地，佢哋有佢哋走水貨，香港城管就繼續用眼神執法。大家唔使開英屬處女島離岸公司啦，上水已經係逃稅天堂。

水貨－第七大產業

有網民惡搞曾蔭權扮喊片段，變做第七大產業記者會－水貨業！講真，點解依家水貨佬橫行香港，都係因為貪曾呢條現代吳三桂開關引狼入室！搞咩環珠江口宜居灣區，放任內地人來港個人遊同炒樓，推高物價樓價，依家香港人見內地人多過見自己人，買支益力多仲難過轉身射個三分波。記者會尾聲貪曾又扮喊，不過都係喊唔出。

就係咁爆：政壇亞洲先生競選

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot