政壇：政商定格：林曉盈倡無肉環保飲食
社會企業「Green Monday」自成立以來，一直提倡逢周一素食，原來明天更好基金理事委員、昌利行董事Juliana林曉盈都係佢哋嘅大使之一。Juliana話餐餐都要食肉嘅想法已經落後，要食得有營又環保，每周一素食係最佳選擇。Juliana要肩負經營家族手襪生意重任，佢話早前公司旗下內地一間工廠因電線短路而失火。不過佢冇因而氣餒，反而同員工齊心協力，發動其餘十七間工廠連夜趕工，最終將貨品如數交到客戶手上。除咗以客為先，佢仲與時俱進，研發以導電物料製造嘅手襪，用家可以戴住手襪用智能手機，有關研發更攞埋專利。
林曉盈食得健康仲與時俱進，研製專為智能手機用家而設嘅導電手襪。