政壇：政商定格：歐陽英傑公開夫婦「浴照」
包括候任立法會議員「慢必」陳志全、袁彌明等在內嘅人民力量同選民力量幾位核心成員，近日去咗泰國蘇梅島旅行，趁選舉後充電。同行嘅「星屑醫生」歐陽英傑就喺社交網站問大家：「有冇掛住我先？」尋日仲上載咗一張同太太一齊影嘅「浴照」，話要畀大家「止咳」喎！
大家唔使驚，所謂嘅「浴照」其實只係星屑醫生兩公婆着住浴袍坐喺酒店梳化嘅合照，原來尋日係兩公婆結婚七周年紀念日。醫生好感性話七年前太太着住婚紗步入教堂，從此大家就成為咗彼此生命中最重要嘅人。不過，七年後嘅尋日佢哋着浴袍合照，唔知代表乜呢？
