「好想媽媽攬吓我」

【記者陳佩詩報道】「嗰晚佢突然話『好想媽媽攬吓我』，我就成晚攬住佢睇電視到半夜三點幾，佢仲叫我攬住佢瞓，點知第二朝佢瞓响張床度凍晒無反應……」焯思去世前一晚似有感應，整晚纏着母親，黃母潘女士對女兒猝逝至今未能釋懷。庭上見到屯院醫生時亦激動不已，指摘：「你哋無咁嘅知識就唔好累人累物！」

夢中辭世 母親自責

潘女士回想焯思生前點滴，說她喜愛運動，擅長籃球排球，「佢樣樣都攞牌o架」一直身體健康。惟去年四月，焯思在廚房突暈倒，排街症時再暈，才被送入急症室。

她憶述五月十九日焯思覆診後之情況，透露焯思還即時打電話歡天喜地跟她說：「媽咪，醫生話我無事呀！」焯思回家吃過最愛的米粉後，便小睡一會，再如常地睇電視、上網及跟同學傾電話。

女兒在身邊悄悄溜走，潘女士自責地哭着說當晚焯思似有感應，怎樣也不肯去睡，還撒嬌要媽媽抱着看電視到半夜，在父親多番催逼下，她才肯上床。

「佢叫我攬住佢瞓，我只係話媽媽咁大份會好迫，於是打地鋪瞓响佢旁邊，第朝爸爸叫佢唔醒，我起身見到佢凍冰冰瞓响度，張床仲濕晒，我慌失失仲同佢搽白花油呀，佢爸爸驚到打電話都撳唔到999。」