政壇：政商定格：楊敏德樂做公關Sell理大
理工大學尋日舉行「賽馬會創新樓」平頂儀式，為安全起見眾嘉賓都要戴安全帽進入工地，向來打扮高貴嘅理大校董會主席Marjorie楊敏德都唔例外。原來今次並非佢首次着住高跟鞋行入工地，佢話以前都經常視察家族公司起緊嘅廠房。
冇做行政會議成員嘅Marjorie話，依家可以分配更多時間服務理大，至今已經行勻各大學院，愈睇就愈覺得理大辦得好好，可惜普羅大眾對理大嘅認知就唔係咁多，所以嚟緊要努力諗多啲有趣點子去包裝，吸引傳媒去報道喎。同時要諗吓點樣可以令大學與民生有更多連繫，事關大學有好多實用科目都同民生息息相關，好希望可以貢獻畀社會大眾。
楊敏德話冇做行會，可放多啲時間去服務理大。