性格單純淪為跑腿打手

【專案組報道】近期接連發生血鬥，揭露尼泊爾青年已成為黑幫生力軍。原來，有黑幫背景的印巴裔人士覷準尼泊爾人性格單純、服從性強，吸納為黑幫新血，以毒品、吃喝玩樂等招數，招攬尼泊爾青年作跑腿、打手及從事不法勾當，培養成南亞黑幫第二代，為本港治安埋下炸彈。

染毒癮逼帶貨

知情人士指出，連串事件反映黑幫已經成功滲透尼泊爾族群，「喺南亞裔裏面，尼泊爾係屬於最單純嘅一群，以前好少搞事，黑幫就係睇中佢哋呢啲性格，服從性高，叫佢做嘢聽聽話話，近年開始吸納佢哋做跑腿，又或者打手。」他指出，南亞黑幫參考本地黑幫運作，以跟大佬形式「收」，在黑幫撐腰下，讓他們在朋輩中蝦蝦霸霸攞威，適當時候就安排他們為黑幫工作。

十八歲的尼泊爾青年Gagan（化名）就曾被毒品控制，被迫參與不法活動。「中學畢業後，搵唔到嘢做，周圍去玩，重遇啲印巴裔舊同學，初時佢哋又請食飯又去玩，叫我食Ｋ仔同大麻，之後我上咗毒癮，佢哋就要我帶貨（毒品），先畀Ｋ仔我。」

警方發言人表示，涉及非華裔罪犯的案件主要是店舖盜竊、雜項盜竊、扒竊及毆打，而近年非華裔人士犯罪數字佔整體罪案率有上升趨勢，以元朗警區為例，去年非華裔人士佔區內罪案率是百分之四點一，但今年首七個月計則是百分之五點四。