SUN微博：Sun畸事：港鐵可加可加機制

有調查指出，港鐵東涌站月票貴過一般通勤族所需交通費用，去荔枝角返工就貴二百蚊，要去銅鑼灣返工先平幾十蚊，調查一出全城嘩然，其實，大家誤會咗港鐵啦，人哋幾時有話過月票係畀窮人用呢？

月票：Hi～八達窿，以後大家良性競爭啦～

八達窿：我平過你，你有咩競爭力可言？

月票：都唔一定，你去老銅返工，用我平啲o架。

八達窿：但係老銅好似冇雷公咁遠，買完月票好似月經咁每月先用一次，好唔划算喎。

月票：即係咁，你有冇聽過「八達窿同單程票」嘅故事？

八達窿：係點o架？

月票：好耐好耐之前─即係舊年呀，有個弱智成人話單程票平過八達通，唔係幾好，所以要單程票加價咁話。

八達窿：嘩！咁有智慧嘅說話，係咪一個名叫「智慧」嘅法官講o架？

月票：嗰條八婆就算數罷啦，呢個係港鐵商務總監講嘅！

八達窿：咁個故事有咩寓意？

月票：呢個故事嘅教訓係……八達窿你好快就會加價！哈哈哈！

八達窿：其實，搭港鐵都貴過行路，我哋係咪要向政府建議收行路費？咁先保持到交通工具嘅競爭力嘛！

月票：同學，你太有智慧了！我哋一齊為香港法治努力吧！

（花生友如有對號入座，請食自己）