有四分一葡萄牙血統嘅美女食療專家Vivi Cheung，喺二十多年前接觸拉筋運動，發現消脂一流，更改善血液循環，至今堅持鍛煉。佢話初初拉筋痛到標眼水，慢慢至學懂放鬆，依家一個動作維持十分鐘易過食生菜。
做飲食業嘅Vivi係為食妹，日前佢去咗上環嘅樓上店同主廚Ken傾吓食經。食物同健康息息相關，崇尚天然嘅Vivi喺澳洲讀食物醫學出身，擅長以食物改善人嘅體質。佢堅持唔食西藥，一有頭暈身慶，會即刻食洋葱、黑蒜同蜂蜜增強抵抗力。
Vivi話拉筋令體形更健美，又可鍛煉耐力。（受訪者提供）
