政壇：政商定格：超蓮識男仔唔使問三太
賭王三太陳婉珍、Alan陳鴻業同太太Michelle鄭詩韻等，尋日出席新世界單車慈善錦標賽2012。三太就坦言知道女兒何超蓮早前到北京欣賞其緋聞男友吳克群演唱會。問到佢哋係咪拍拖？三太回應：「唔知。亦冇問，交朋友唔會干涉。」咁唔介意佢搵藝人做男朋友？三太覺得OK就得，做朋友乜人都冇所謂。佢更大爆超蓮推介佢聽吳克群嘅歌，笑言自己太忙沒時間聽。另外，佢話知道新世界發展創辦人兼榮譽主席鄭裕彤入院嘅消息，仲話已託人問候對方。
以一身運動裝上陣嘅Alan，透露自己練習踩單車達一年。問兩人會否夫妻檔踩單車？Michelle笑言：「佢叫過我好多次，但係我唔肯，不過我會同囝囝踩。」
賭王三太陳婉珍（圖）、陳鴻業同太太，尋日齊出席單車慈善錦標賽。
陳鴻業同太太