政壇：樓價飆升葉振南改長線
尋日沙田馬場化身兒童樂園，仁愛堂副主席Clarea歐雪明帶埋四個仔同女兒、媽媽、家姐一家入嚟享受天倫樂，二女Natasha特別興奮，皆因佢好鍾意親近馬匹，仲學咗騎馬兩年幾添！
啤酒代理商Stephen葉振南亦一家五口現身，力捧佢同妹妹葉嘉齡隻愛駒「靚酒王」。近日iPhone 5熱賣，Stephen竟然不為所動，話自己只用三星手機。身邊嘅大仔Albert就笑言，其實除咗爸爸之外，佢哋全家都幫襯iPhone喎。講到近日樓市創新高，Stephen就話如果有實力嘅就唔怕入市兼放長線，否則就要忍忍手喇。
葉振南公子Albert（左起）、細女Cecilia同二女Peggy齊為爸爸隻愛駒打氣。