行行出狀元：木棍作聽筒 喉管測樹洞

「樹醫生」沒有白袍，Hindley身穿短袖恤衫、長褲、行山鞋，頭戴安全帽，手戴勞工手套，再配上安全眼鏡「開工」，身後的「藥箱」猶如多啦A夢的神奇百寶袋，袋滿各種驗樹工具。他手上一把長呎看似平平無奇，但其實別有妙用，「呢把呎已經除咗π（即3.14），只要圍住樹幹一圈，就可以知樹嘅直徑。」

一般醫生用「聽筒」，「樹醫生」用的卻是木棍，「用支棍輕輕敲擊樹身，聽吓係實木定係空心嘅聲，空心即代表入面可能腐爛。」至於檢查樹洞又有另一「法寶」，「喺外面睇唔到個樹洞有幾深，要自製一條喉管插入樹洞入面，再拎出嚟度個深度。」遇上奇難雜症，「樹醫生」會用小箱收集樹葉、樹皮，帶回辦公室化驗，「香港有幾千種唔同嘅樹，未必即時辨別到係乜品種，咁就要摘一、兩塊樹葉，或者刮少少樹皮做樣本化驗。」