SUN奇古怪：Sun潮語【雙飛】

睇清楚先，係「雙飛」，唔係「雙非」。「雙非」令人好煩，「雙飛」就令人興奮，但兩個都算係潮語。近年香港人都會掛喺唇邊，成日講是也。

「雙非」可以公開談論，男男女女大庭廣眾之下都可以講。但係「雙飛」就可能只會一班男人靜靜雞講……

「雙非」大家都知係大陸雙非孕婦咁解，即係肚裏面嘅孩子，他的爸爸媽媽雙雙都唔係香港居民。但根據現行法例，佢哋嘅嬰兒只要喺香港出世，就享有香港人身份，是為「雙非嬰」，係香港一個嚴重嘅社會問題。

然而，「雙飛」就簡單得多。但凡係一男兩女或兩男一女大被同眠，共享雲雨，都可稱之為起「雙飛」。通常起「雙飛」嘅都係男士居多，即係左右逢源，兩女共侍一男，盡享齊人之福也。

當然，一般正經女士都未必能夠接受到呢種行為，話晒要兩個女仔分一個男人已經不能忍受，仲要同床共枕？更加超出良家婦女的接受範圍。所以，男士想起「雙飛」通常都在娛樂場所進行，以滿足男性嘅貪慾。

有人誤會咗「雙飛」係雙翼齊飛嘅簡寫，而雙翼齊飛亦同時係足球術語，指左右翼鋒快速落底出波畀前鋒攻堅。但波還波，此波不同彼波，「雙飛」同踢嗰啲波係無關，咁同咩波有關？答案都唔使多講……

今日，很多人對「雙飛」嘅原本意思一知半解，所以於日常生活都會用到「雙飛」呢個潮語。例如打牌叫兩飛又會大叫起「雙飛」；有兩個人陪自己出嚟玩又叫起「雙飛」。不過話說回來，人都係專一啲好，「雙飛」唔係人人受得到，有時唔小心貪字得個貧就無謂啦！係咪？