政壇：張燊悅焗做「煮」婦

教育局前政治助理楊哲安離開官場後，少咗喺公開場合露面，佢太太張燊悅前晚出席護膚品晚宴時，就透露活動完畢要趕返屋企煮飯，咁頻撲，唔通老公一定要食佢煮嘅飯？張燊悅解釋：「（屋企兩個傭人）一個離開咗香港，一個就畀我炒咗。」原來係佢炒咗工人，自己要暫時客串。佢解釋，呢個工人成日發脾氣，自己一走開，工人就會講粗俗說話。為免小朋友有樣學樣，佢一於先警告，三次機會都唔改，惟有採取行動。呢排多咗家務做，佢都覺得忙咗好多，仲猛讚外國女人既冇工人，又要工作、湊小朋友、做家務，真係好厲害。

第一手消息請下載on.cc東方互動iPhone/iPad/Android/Windows Phone Apps

張燊悅話活動完畢就會返屋企煮飯。