政壇：梁志祥太座談新移民歲月
新進立會議員梁志祥來自鄉事派，亦係新界社團聯會會長，百足咁多爪，屋企真係靠晒太太曹宏燕。立法會選舉期間，梁志祥瞓晒身打選戰，太太都跟出跟入照顧佢。唔講唔知，原來梁太好熱心做義工。尋日佢出席活動時，就講到七年前由南京來港，面對陌生環境、難以適應嘅新移民生涯，期間一度落淚。
梁太尋日出席新家園協會協辦嘅中秋活動時，憶述適應香港生活嘅艱苦經歷。佢話當年人生路不熟唔敢出街，結果就困住喺屋企，全靠祥哥帶佢接觸地區工作，令佢有勇氣走到社區去，當初只係做義工帶吓啲行動不便嘅長者去飲茶，但點知喺過程中，不但幫到人，仲幫到自己適應新生活。
梁志祥太太在活動中收到紀念品後，不時仔細欣賞。