新一屆立法會誕生後，議員所屬嘅傳統名校勢力都見執位，譬如本屆立法會只得三個皇仁仔，但新一屆議會，皇仁仔就一躍成為議會第一幫，共有五位校友，包括醫學界梁家騮、會計界梁繼昌、地產建造界石禮謙等。皇仁之外，排第二位就係兩間傳統名校拔萃男書院同九龍華仁書院，兩間學校各佔三名議員。其中男拔校友位位富貴，包括新民黨田北辰兩兄弟，仲有飲食界嘅自由黨張宇人。至於九華嘅政治光譜就闊好多喇，由民主黨涂謹申、公民黨梁家傑，到空降九龍東當選嘅謝偉俊，證明讀咩中學同政治取態真係冇乜關係。