政壇：陳恒鑌當選成「潮人之光」
城中潮州「家己冷」日前喺港島香格里拉酒店舉行十一酒會，除「飼料大王」陳偉南兒子、潮屬社團總會主席陳幼南擔任大會主席外，潮州商會會長周振基（Stephen）、潮青主任葉振南、前潮青主任陳光明、潮屬社團總會前主席莊學山夫婦及名譽會董方平、觀塘區議會主席陳振彬等都有到場。
即將「升呢」做立法會議員嘅建仔新丁陳恒鑌（Ben）原來都係「家己冷」，席上好多人恭喜佢，話佢係「潮人之光」。建仔深水埗區議員鄭泳舜（Vincent）就話，阿Ben早佢一屆做區議員，稱得上係「大師兄」。近日校園爆發諾沃克病毒，Vincent嘅細仔都不幸中招，仲感染埋大仔同二仔，老婆忙到一頭煙，好彩細仔已經冇事。
鄭泳舜（左）同陳恒鑌都係潮州生力軍，兩人惺惺相惜。