內地客熱捧iPhone5愈炒愈高

【本報訊】 iPhone 5開售第二日， 炒風絲毫未見減退，「炒機」重地先達廣場整日人頭湧湧，大批購得iPhone 5的市民湧往該商場放機。雖然有澳洲版iPhone 5流入市場，但收機價錢依然「硬淨」，16GB行貨iPhone 5收機價最高達八千八百八十元，以原價購入計算，一轉手已穩賺三千多元，店舖預期未來兩三日的收機價更會創新高。

嫌外地水貨冇保養

iPhone 5炒風熾熱，部分專門買賣iPhone的先達店主，引入澳洲及美國版水貨增加貨源，但佔上八成訂戶是內地客，他們擔心外地水貨不接受保養，或因當地隨機上台的合約問題而被鎖機，因此內地客仍然熱捧本港行貨，迫令行貨收機價再創高峰。

目前iPhone 5的最新收機價，16GB仍然「企穩」約八千八百元，32GB及64GB則分別收約九千一百元及九千七百元，黑白機身價錢相同，較前日增升至少五百元。

iPhone 5價錢愈升愈離譜，收機店均看好後市，認為內地需求強勁，收機價仍然有上升空間。G-World Mobile老闆劉志剛昨日透露：「內地客買返嚟一轉手就賣八千五蚊人仔，折合港紙成萬一蚊，所以長做長有。」

劉志剛說近日發現有水貨客加入收機兵團，「佢哋向細舖大量收機，出價比收機價多廿蚊，之後大量運返內地。」因而影響其他店舖生意。

昨午在先達廣場盡是放機的市民，大多放機量「一部起，兩部止」，反而內地客才是放機「金主」。

三名內地疑似職業排隊黨拿着大包小包抵達收機店，店員報價後，他們從袋裏拿出近三十部iPhone 5，收取一疊疊「金牛」離開，估計三名內地客一轉手穩賺逾八萬元。