政壇：政商定格：希慎女當家睇珠寶減壓
希慎興業第三代女當家利蘊蓮（Irene）身負集團發展重任，平時忙到飛起，日前一個下晝，Irene竟然偷得一點閒，現身名店林立嘅中環太子大廈入咗一間珠寶店，一坐低，職員就拎出飾物畀佢試戴，只見Irene喺鏡前仔細打量，約五分鐘後就起身走人，雖空手而回，但偷閒睇吓珠寶都可以減壓。
Irene當時着住件好搶眼嘅鵝黃色連身裙，我哋同佢打招呼，佢笑笑口話自己經常會周圍去睇吓嘢，不過近排好忙，短暫消閒之後又要趕返去做嘢。Irene係利希慎三子利孝和嘅次女，現任希慎興業主席，上月佢就見證希慎廣場呢個家族地標性物業嘅落成啟用，事業型女性睇嚟要犧牲唔少Shopping時間。
利蘊蓮喺珠寶店睇咗大約五分鐘後空手而回。