SUN世代：拍住拖出差當旅行

李躍華為別人做過無數設計，本身亦擁有一段「度身訂造」的天賜情緣。他的太太Rose，也是室內設計師，二人在建築師樓工作時邂逅。「最欣賞佢嘅才華，做嘢好認真。由第一日識佢到依家，佢都無變過。」聽着太太讚賞自己，身旁的李躍華甜笑後，亦忍不住說：「佢都好有設計天分。」

李躍華的辦公室內放置了兩張大枱，一張是他的，一張是太太的。二人不但互相欣賞，更以「夫妻檔」開公司、造設計、創品牌，寓工作於拍拖。「平時大家都好忙，所以出差就當去旅行。我哋最鍾意行博物館，一間博物館可以睇足幾日！」對他們而言，設計不只是工作，更是生活。「平時去餐廳食飯，第一時間唔係睇餐單，而係望吓個餐廳環境，睇吓用咩物料、燈飾。可能呢啲就係職業病！」但多年來，二人從未為公事而吵架，當中有何相處之道？他們異口同聲地說：「最緊要係互相遷就、互相體諒。」