SUN微博：打橫嚟講：光復上水，重光「香」港

上水居民發動「光復上水站」，是值得支持的！近十年，嚴格來說，是上手廢柴貪曾特首曾雀屎個冚家慘，當政八年，乜卵都無做不特止，仲瀨低多Pat蘇州屎，發晒霉，漚到依家，冤崩爛臭，令香港變臭港。

新界上水，民風淳樸，本是寧靜和諧、與世無爭的福地，點知，就畀班水貨佬霸地強佔，做咗「走私貨」的大本營，當街當巷，視王法如無物的分發站；火車站四周，有陀地睇場，以前，只要有人舉相機拍照，拆菲林之餘仲要拆骨，但當時的香港差大哥，全部像食玻璃大咁，唔係隱Q晒形，就係睇唔到，坐大呢班「有勢力人士」的氣燄，唔惡就有鬼矣！

呢班九哥，橫行霸道，巨型手推車，成座山咁橫衝直撞，當自己係冼拿揸法拉利咁威風，撞死無命賠。住喺上水區的居民，已忍多年，投訴亦無人理，不只經常被手推車轆傷腳趾，道路擠塞，嘈喧巴閉，呢啲都算小事了！附近的物價畀呢班人搶高，食都無啖好食還未算慘，更弊的，係樓價就快貴過中環，咁都亦仲未PK，最離譜者，係一大群內地「走私貨」的出現，令環境更污染，情況更混亂。

內地海關與水貨走私客打晒籠通，是公開的秘密，奇怪的係香港海關竟又視而不見，多年來，無人出手處理。

好囉！今劑香港人為本土價值出聲了！以良幣驅劣幣，叫水貨賊死返去屬於佢哋的地方，咪遺臭香港！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：潮流興佔領

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot