政壇：政商定格：吳文華退而不休維女權
立法會秘書長Pauline吳文華返工返到本月二十八號就正式退休享受人生，但預計佢退休後仲會忙過依家。
好多人呢排為Pauline餞行，而佢今日就約咗傳媒茶敍。佢咁鍾意做嘢，點會停落嚟？佢話先會放假三個月，然後就擔任崇德社東南亞代表，會周遊列國推動婦女權益，任期兩年。佢仲會用三年時間為立會將過去嘅案例輯錄成書。呢個任務係上任立會主席曾鈺成交付畀佢，而佢亦會收取酬勞。
其實，候任秘書長陳維安已上任兩個月，聞說陳維安大小會議通通去齊，Pauline同低級職員開會，佢都有列席，以便加快上手。Pauline話立會工作已有晒規矩可依，交棒絕對放心。
吳文華退休後又出書又推動女權，仲忙過依家。（資料圖片）