政壇：霍震霆告別立會恨抱孫
喺新界東一直打着鄉事旗號出選嘅經濟動力邱榮光查完立法會選舉票站結果後發現，原來佢喺傳統鄉事票站嘅得票，冇佢想像中咁高。邱博士呢次唔知會唔會覺得被出賣呢？佢就話唔好講到出賣咁嚴重，但就一再重申，今次得票唔高確實係有啲「始料不及」。至於未來去向，佢話會重返老本行「浮面」，即係繼續搞環保工作。
陳強選票被哭走
同樣喺新界西落敗嘅陳強，尋日就同一班老友入馬場，仲笑笑口咁話建仔喺選舉期間「又喊又哭」，「哭走晒」佢啲票喎！至於會否捲土重來，佢就話要睇吓點喎！
轉頭見到冇競逐連任嘅體育、演藝、文化及出版界嘅霍震霆，戴住一副「少爺鏡」太陽眼鏡嘅佢優哉游哉咁款，佢話阿仔啟剛嘅婚禮都係留番畀啲後生仔自己搞，但一講到抱孫咯喎，佢就笑騎騎咁走，唔知呢啲係咪叫恨到出面呢？