政壇：杜振源擁工廈食正房策

日前美國宣布第三輪量化寬鬆貨幣政策（QE3）出爐，進入無限印銀紙時期，唔少人都擔心香港樓市將被炒高。尋日喺沙田馬場見到「快勞夾大王」Simon杜振源，佢認為未來香港樓市會繼續升。

Simon話依家樓市仲高過九七嗰陣，雖然早排政府推出咗樓市十招，暫時未睇到有明顯效果。佢話現時首要係穩定樓市，但唔希望樓市跌得太急，因為大上大落都唔係好現象。而政府計劃將工廈改建為住宅，佢本身喺葵涌擁有工廈，早年已將工廠搬番內地，依家工廈用嚟放租，但租金偏低。佢話如果政府改建住宅後，利潤比放租高，佢都會考慮改建。

第一手消息請下載on.cc東方互動iPhone/iPad/Android/Windows Phone Apps

杜振源（右）寄望政府穩定樓市，但唔好操之過急。左為杜太。