政壇：何俊賢拍拖唔怕狗仔隊
立法會議員嘅一舉一動都備受市民關注，但最年輕嘅候任漁農界議員、建仔嘅Steven何俊賢一於少理。
Steven身高超過六呎，就算企喺好遠都好易被認出。佢日前接受我哋專訪時就話，其實漁農業界好多前輩都唔記得佢個名，淨係認得佢個樣，知道佢係幫業界做事，所以個個都叫佢做「高佬」。佢生得咁高，原來除咗鍾意打籃球外，仲好鍾意「掃街」——周街食嘢。就算當選咗，佢都唔打算改變佢嘅生活習慣。
佢唔單止喺黨內極速上位，仲有可能會喺十二月同女朋友拉埋天窗。佢話：「結婚啲嘢，忙嘅話咪由女朋友搞，或者屋企人幫手，所以好簡單啫。」問到怕唔怕畀人影到佢同女朋友拍拖嘅生活，佢話：「預咗啦，行得正，企得正，驚咩呀！」
何俊賢年尾或同女友拉埋天窗。