政壇：搞搞政：打完選舉戰黃國健變藥煲
候任建制派立法會議員尋日一早喺立法會聚頭，協調立法會各委員會正副主席人選，唯獨擁六個議席嘅工聯會唔見影。其實，工聯會本身安排咗黃國健（KK）負責出席，點知佢急性腸胃炎，唔單止脫水變藥煲，仲周身冇力，選後首個建制協調會都冇辦法出席。
KK話，前日朝早突然間又屙又嘔，勢色唔對，惟有即時走去求醫，打咗針後好番啲，但仍然有少少發燒，講嘢都有氣冇力，佢笑言身體弱可能同選舉太辛苦有關喎。
唔講唔覺，工聯會幾名選戰猛將都身體違和，除KK外，喺香港島直選勝出嘅王國興之前整親條頸、新界西嘅麥美娟○八年選立法會時亦整親腳要做手術，到去年區議會選舉都有手尾跟，據聞佢近日都病咗。
到底係工聯會嘅代表打選戰好搏命，定係「天將降大任於斯人，必先勞其筋骨」呢﹖
設計圖片