政壇：凸腩唐唐歎凍啡樂逍遙

特首選戰後回歸平民生活嘅前政務司司長唐英年，似乎已經疊埋心水退隱歎世界。繼立法會選舉投票日現身後，前日下晝四點左右，又見唐唐一支公現身中環太子大廈，手拎紙袋走入COVA買番杯冰凍咖啡。我哋問佢近排忙乜？佢話依家冇以前做官咁忙，但都要忙私人事務。問佢立法會選舉嘅事，佢故作神秘話：「投完票點會話畀人聽o架？」

唐唐呢日一身便服，格仔短袖恤衫襯西褲，肚腩呼之欲出，買咖啡時店員好熱情咁同佢打招呼，睇嚟買慣買熟。之後就見唐唐心情靚靚咁行過隔籬歷山大廈地下，等私人座駕離開。

第一手消息請下載on.cc東方互動iPhone/iPad/Android/Windows Phone Apps

睇見唐唐嘅笑容，相信佢之前嘅麻煩嘢已告一段落。