徐子淇三子女中招

近期諾如（諾沃克）病毒在港傳染加劇，連富商恒基兆業地產有限公司副主席李家誠的三名子女，新學期甫開課即感染諾如病毒，病足三日又屙又嘔，幸經治療後現已痊愈。食物及衞生局局長高永文昨提醒市民，開學後已爆發諾如病毒感染個案，須提防學童在校內交叉感染，又警告指該病毒多在天氣清涼時爆發，今年較早入秋可能提早爆發群組感染。

李家誠及徐子淇夫婦前晚出席英皇集團七十周年誌慶晚宴時，徐子淇自爆早前三仔女齊齊感染了諾沃克病毒，又屙又嘔，令她擔心不已，幸現已痊愈。二人昨晚參加另一個酒會時說：「之前返學容易感染，佢哋病咗三日，都算好快好番。患病期間佢哋嘔咗好多，成個人瘦晒，因為只可以飲寶礦力同粥水，我見到都好心痛，尤其是細仔，佢仲係BB，BB成日好餓，佢只係揸住支奶，飲唔到，一飲又嘔，連喊也像沒有力量。」

徐子淇還說，明白每個小朋友都有這個階段，例如發燒、感冒，所以不會太緊張，反而有好多媽媽帶小朋友出街前都會替他們消毒，自己覺得其實少少細菌沒有問題，為他們身體打定底，長大後就會更強壯，所以不會過分保護他們。

至於三個小朋友感染諾如病毒的可能原因，徐子淇說：「細仔好鍾意放手指落個口，一放就放四隻手指，平時又鍾意爬地、亂摸嘢，其實係細佬發病先，再傳染啲家姐，要隔開佢哋都好難，同一個屋企嘛。」

由於小朋友不適了幾天，就沒有帶他們到大伯李家傑家與他的三個小朋友玩樂，沒有傳染開去。徐子淇又謂就算小朋友返學容易感染細菌，也不會過分保護請家庭教師在家授課。

高永文局長昨午主持第七屆香港過敏科醫學會議開幕禮後稱，諾如病毒多在天氣較涼時傳染，近日已有秋意，不排除今年較早出現社區爆發。他又擔心開學後，學童會在學校內交叉感染，衞生防護中心正密切監察各中小學情況，萬一發現嚴重的群組感染，將可能指示個別學校暫時停課。