SUN微博：打橫嚟講：有乜好調查呢？

立法會選舉過後，香港一群九流幼稚分析家和二流時事評論員，加埋那班政治娃娃、黨魁童子軍，撲晒出嚟就得米成敗作檢討和比較，大談戰果研究！真笑死人！

香港開埠百六年了！你班香港人，知道政治是甚麼嗎？一九八四年，鄧小平堅決要中國收回香港主權時，這兒只管吃喝玩樂，享受英人包庇下，長治久安的政治白癡，突然驚叫，要尋找自身政治權利，英國佬順口「話」賦予港人自主權，其實，立心埋下不知是種子或是炸彈的民主意識，呵呵！今天遍地開花了！今屆選舉，最能體現港人政治智慧的，就是全民學懂了「講大話」，以廢噏來影響選情，結果，真係出人意表！無人預計得到。

上一屆，因呢度有批甚麼乜叉民調機構，在投票站外問人家攞料，話做乜乜研究喎！點知，暴露咗選情，令候選人叫急，最終影響了結果。今次，各路人馬起初都會「參考」這類「民調」作戰略部署，但選民為擾亂無恥政黨用以「配票」，遂亂作答案，唔畀機會政棍有機可乘，故此，呢類民調全不準確，如再搞落去，連公信力都無埋。

我一直都唔信呢啲收錢做的所謂「民調」，全為出資科款機構度問卷，真極有限。

講番今次，全港市民事前話明杯葛民調㗎啦！「港大民意研究計劃」係要去做，結果，另有四間獲准做票站調查的，全是與建制派friend底的，名正言順地攞料，如果港大唔做，咪好地地囉！都唔知呢啲票站調查，有乜好研究？除咗配票做幫兇之外！真立心不良！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府