政壇：政商定格：廖偉芬開Cafe花樣美男坐鎮
廖創興家族後人廖偉芬（Jennifer）近日喺銅鑼灣開設全港首間精品咖啡店，二千呎新店，一杯一枱一個咖啡壺都係精品，就連咖啡師都靚仔如韓劇內嘅咖啡王子。為炮製新鮮咖啡，Jennifer寧願少放兩張枱，騰出二百呎地方，放置一部千磅重巨型炒咖啡豆機，輪流烘焙中美、南美、非洲及亞洲等地的咖啡豆，讓客人耳目一新。
美國康乃爾大學畢業嘅Jennifer，係準建築師，家族收租物業數以億計，但佢仍然創業搵自己嘅事業，○三年沙士後進軍飲食界，短短幾年間，先後創立不同品牌咖啡店。年前，佢已開辦咖啡課程，至今培訓逾三千名學生，嚟緊將引入歐美咖啡文憑課程及咖啡學位課程。
店內起用「花樣美男子」，助理總經理許孝榮（右起）、業務發展經理古天朗及首席咖啡師陳澤森。
廖偉芬喺銅鑼灣開設精品咖啡店。
精美嘅咖啡拉花。