政壇：顏寶鈴度橋慳錢舉家支援
人民幣升值，同埋內地工人工資上升，搞到唔少香港上內地投資嘅廠家壓力大增，飛達帽業副主席顏顏寶鈴（顏太）都一樣，近年雖然逐漸將部分業務搬去孟加拉，但高檔產品嘅生產線都留番喺內地，公司有計劃喺湖北起間新廠，遲啲仲帶埋生產線嘅主管上去視察。
生意擴展外，顏太都絞盡腦汁度橋慳錢，最新嗰條叫做「家屬支援團隊」喎，顧名思義，呢條橋就係全家總動員咁解，據講，飛達養一個長工，呢名長工嘅其他家屬就係「燃眉之急」嘅兼職，一旦有急單，就叫個長工call晒一家大細開工，顏太話一來公司唔使養咁多人，二來啲家庭可以有啲額外幫補，又可以多啲時間見面，一舉多得咁話。最近佢哋委任咗個營運總監，顏太話以後可以輕鬆啲，多啲時間同顏生歎世界！