政壇：新舊方中信齊齊入立會
新一屆立法會七十個議員產生，淨係新丁都有二十八個咁多，偏偏新面孔中，有唔少人都同原有議員撞名、甚至樣貌相似，真係幾難分o架。建築、測量及都市規劃界議員謝偉銓就被指同九龍東直選勝出嘅謝偉俊似樣、名又相似，不過，佢哋原來冇任何關係。
漁農界嘅議員叫何俊賢，個名同白鴿黨何俊仁只係差一個字。不過，漁農界只有百幾票，除咗業界外，相信未必有咁多市民認識何俊賢，但個名同鐵頭仁近似，都方便人哋記嘅。
另外仲有議員不約而同畀人話似某一藝人，如白鴿黨嘅單仲偕向有「議會方中信」外號，雖然佢成日被稱為「(先刂)雞」，但睇番佢以前個樣，兩條粗粗嘅眉同「矇豬眼」，又真係有幾分似方中信喎。不過，近日就有人話當選紡織及製衣界嘅自由黨鍾國斌會成為新一代嘅「議會方中信」，係咪真係似樣，就要等大家去評價喇。
鍾國斌
單仲偕