SUN熱辣：促加強滅蚊兩部門鬥卸

蚊叮蠓咬，地區人士要求政府加強滅蚊，由現時一星期一次增加一倍次數至兩次，但食環署及康文署均借故推搪，又指蚊子由卵變為成蟲約需七天，現行的例行工作已經足夠。

筲箕灣蚊患嚴重，該區區議員趙資強指出，曾要求食環署及康文署加強滅蚊工作，由一星期一次加強至一星期兩次，「佢哋話蚊生長周期係一個禮拜，所以依家已經夠，唔使滅得咁密，但仍然仲係咁多蚊﹗」趙表示與當局由今年五月夏季開始拉鋸至今，還是不得要領，「蚊患咁嚴重，叫佢哋諗吓辦法，都淨係話再商討吓，都唔知佢傾到幾時。」

東涌同樣蚊多，該區區議員鄧家彪曾多次要求食環署加強滅蚊，當局卻拒絕，他直斥當局離譜，「東涌蚊患指數不嬲都高，叫食環署做多啲啦，佢哋竟然話東涌近海又多樹，多蚊都好正常。」他補充，即使指數居高不下，當局現時仍無意增加每星期一次滅蚊的次數，於事無補。康文署發言人則強調，認為現行的例行工作已經足夠。

大埔區議員黃容根表示，現時區內正進行各種道路工程，加上颱風頻繁，造成積水導致蚊患加劇，他認為政府應該盡快完成工程，並積極進行滅蚊工作。