SUN微博：打橫嚟講：香港，好彩仲有得揀

一直有人話香港人是政治冷感動物，但今屆立法會選舉投票率破盡紀錄，原因很簡單，並非大家不關心社會，只顧安逸，而係，大家忍夠了！大家醒覺了！大家明白手上一票的重要性，不再胡混苟且下去！須親手選賢能，踢走禍港殃民的廢柴政棍。

今屆選情戰況之激烈，是以往未曾發生過的，尤其是連建制派也內訌互插，狂數對方無恥便知了！

工聯會的票后大姐大陳婉嫻十分氣憤的指摘有人鎅佢啲票，竟然在中午十二點已放風謠傳說她夠票當選，可以不用再投票給她，搞到佢好勢危，故此陳大姐跑出嚟慘叫告急！

有能力鎅到陳婉嫻「鐵票」的對象，只有民建聯的女霸王李慧琼，佢亦出來回應話佢才真真正正告急，她的票數不夠佢爭最後一席喎！並謂大混戰，就有大混戰的策略，暗示要爭入圍，就遇佛殺佛，無得傾！

兩黨競奪，攻訐暗踩，是自然及可理解的，但其激烈情況，竟連同氣連枝的民建聯頭領劉江華也撲埋出嚟，伸個頭來嗌佢都選情告急，真叫人搖頭。

當一車車老人耆英或住在內地的港人「被善待」帶領去投票站時，有年輕選民話佢投票準則，是看候選人過往的功績，或其政綱、理念和價值核心是否啱自己心水，要揀一個除了為香港做事的好人之外，仲要係有主見，唔係白癡無腦的奴才，更唔想香港下一代受奴性意識洗腦，真想知佢選邊個呢？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

就係咁爆：立會選舉極醜惡系列

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係咁爆」網址：tv.on.cc/hot