政壇：政商定格：李慧詩倫奧之後想退役
喺倫敦奧運攞到銅牌嘅李慧詩尋日接受電台節目訪問時，坦言曾想過放棄做運動員，因為佢係一個鍾意人陪嘅人，但做運動員就經常要獨處，加上身邊嘅人唔明白佢，令佢覺得好似得自己一個孤單上路。原來阿詩喺奧運後，擔心被誤會係重名利嘅人，令佢更加想放棄，難怪講到擇偶條件，佢首要對方明白佢，會同佢分析意見嘅人。
對於有傳其教練沈金康或會離任，阿詩話教練冇同佢提及過，但就希望教練可以陪佢出戰下屆奧運摘金，仲話依靠本身信仰增加信心。咁奧運銅牌擺喺邊？阿詩話要等到「風平浪靜」先會攞塊銅牌返屋企，依家暫時放喺宿舍櫃桶先。
李慧詩話唔介意拍廣告，但就唔可以阻礙到單車訓練時間。（資料圖片）