政壇：陳岳鵬徐英偉瞓身撐「娘」
今屆立會選舉競爭激烈，早前返回「娘家」新民黨做義工嘅特首辦前特別助理Ronald陳岳鵬，就負責留守南區協調各區街站嘅選舉工作，事前已做足準備，一改以前用兩個電話號碼嘅做法，特別買咗兩個容量特大嘅流動充電器，唔使驚冇電。
曾經做過南區區議員嘅Ronald話以前都試過參加幾次選舉，都冇乜唔習慣，加上有機會同啲舊同事、街坊合作，所以覺得好開心。會唔會心郁郁再次參選呢？佢就話做完今次選舉先再諗喎！
另外，即將赴內地讀書嘅民政事務局前政治助理徐英偉，喺今次選舉都走在最前線，負責協助建仔超級區議會候選人劉江華喺投票日嘅傳媒聯絡工作，記憶中今次係佢初次做呢方面嘅工作，唔知大家覺得佢表現點呢？
徐英偉